a blog of my dreams

ຄວາມຝັນຂອງຂ້າພະເຈົ້າ


Notebook ໄໝ້

ຂຽນໂດຍ au8ust
ເມື່ອ 6:33 am
November 22, 2009
ໃນໝວດ ໃນຝັນ
no comments ຖືກເປີດອ່ານແລ້ວ 586 ຄັ້ງ

ມື້ຄືນວັນທີ ໒໒ ພະຈິກ ໒໕໕໒ ຝັນແປກໆ ຝັນຫຼາຍຢ່າງ ເຊັ່ນວ່າ ນຶ່ງໃນປົກຄອງບ້ານມາຝາກໃຫ້ຊື້ອຸປະກອນໃສ່ຄອມ ເປັນພວກພັດລົມລະບາຍອາກາດແມ່ຫຍັງຈັກຢ່າງ ແລ້ວກໍຝັນວ່າຊ້ອນທ້າຍລົດຈັກກັບຮ້ານແມ່ ແລ້ວເປີດໂປຣແກຣມເບິ່ງວິດີໂອບໍ່ໄດ້ ກັບມາຮອດຖາມໂນ່ ໂນ່ບອກວ່າ ຕ້ອງໃຊ້ VLC.

ຊ່ວງໃກ້ແຈ້ງ ຝັນວ່າ Notebook ທີ່ໃຊ້ຫັ້ນ ມີຄວັນຂຶ້ນ ປະມານວ່າລືມແລ້ວໄປເປີດຄ້າງໄວ້ ໂດຍພັບຈໍມັນລົງ ເຮັດໃຫ້ມັນຮ້ອນ ບໍ່ມີບ່ອນລະບາຍອາກາດ ຈົນສຸດທ້າຍແລ້ວຄວັນຂຶ້ນ ຕື່ນມາເຫັນ ກໍໄຂອອກ ມີກິ່ນໄໝ້ລອຍມານຳ ຝັນເຫັນທັງພາບ ທັງກິ່ນ ໂອ ແສດດດດ

ຫຼັງຈາກນັ້ນກໍຈັດແຈງແກ້ໄຂ ແຕ່ບໍ່ທັນແລ້ວ ໜ້າຈໍມັນຫຼຸດລອກອອກມາ ຕອນຕໍ່ມາຈັກເຮັດແນວໃດລະເອົາຈໍກັບ Notebook ໄປທອດນ້ຳມັນ = =’

ຈາກນັ້ນບໍ່ດົນກໍຕື່ນ .. ໂຊກດີແລ້ວລະ ບໍ່ຢາກທອດ Notebook ປານໃດ – -’


ໃສ່ຮ້າຍ ແລະ ໂກນໜວດ

ຂຽນໂດຍ au8ust
ເມື່ອ 10:01 am
November 9, 2009
ໃນໝວດ ໃນຝັນ
no comments ຖືກເປີດອ່ານແລ້ວ 508 ຄັ້ງ

ມື້ຄືນຝັນແປກ ຝັນເປັນເລື່ອງຍາວໆ ຕອນຕົ້ນຝັນວ່າຄົນຮັກຖືກໃສ່ຮ້າຍປ້າຍສີ ຕອນຫຼັງໃກ້ຕື່ນຝັນວ່າໂກນໜວດ ແຕ່ໂກນແນວໃດກໍບໍ່ແລ້ວ ມັນບໍ່ກ້ຽງຈັກເທື່ອ ບໍ່ດົນກໍຕື່ນ.

ເປີດຕຳລາເພິ່ນວ່າ ຝັນວ່າຖືກໃສ່ຮ້າຍ ທຳນາຍວ່າຈະໝົດຈາກເຄາະຈາກໂສກ ສຸຂະພາບແຂງແຮງ…

ສ່ວນຝັນໂກນໜວດບໍ່ແລ້ວ ເພິ່ນວ່າຈະມີການເດີນທາງໄກກະທັນຫັນວ່າຊັ້ນເດີ້


“ຜີອຳ” ຕອນທີ ໑

ຂຽນໂດຍ au8ust
ເມື່ອ 10:28 pm
November 1, 2009
ໃນໝວດ ສົນທະນາ
no comments ຖືກເປີດອ່ານແລ້ວ 542 ຄັ້ງ

ບົດຄວາມຈາກພັນທິບ ກະທູ້ X8426057 ໜ້າສົນໃຈດີ ຈຶ່ງເອົາມາລົງ ;)

ຄຳຖາມທຳອິດ

ເປັນຫຍັງຕື່ນມາແລ້ວເຄື່ອນໄຫວຄີງບໍ່ໄດ້ ຜີອຳຫຼືບໍ່?

ອາການນີ້ເອີ້ນວ່າ Sleep paralysis ມັນເປັນອາການຄ້າຍກັບການເກີດກ້າມເນື້ອອຳມະພາດໃນຊ່ວງ REM sleep (REM atonia) ເຊິ່ງພົບຢູ່ໃນຄົນທົ່ວໄປ ໂດຍ REM atonia ນີ້ພໍຕື່ນມີສະຕິຂຶ້ນມາ ກໍຈະເຄື່ອນໄຫວແຂນຂາໄດ້ ແຕ່ຫາກເກີດອາການ Sleep paralysis ຈະພົບວ່າເມື່ອຕື່ນຂຶ້ນມາຈາກຊ່ວງ REM ເຮົາມີສະຖຕິແລ້ວ ຮ່າງກາຍຈະຍັງຢູ່ໃນພາວະອຳມະພາດຢູ່ ຮ່າງກາຍຈະເກີດອຳມະພາດແບບນັ້ນໄປອີກຫຼາຍວິນາທີຈົນເຖິງຫຼາຍນາທີ.

ນອກຈາກຈະເຄື່ອນໄຫວບໍ່ໄດ້ແລ້ວ ຍັງພົບວ່ເາກີດປະສາດຫຼອນຂຶ້ນນຳໃນຂະນະທີ່ເຄີ້ມໆ ຈະຕື່ນ (Hypnopompic or Hypnagogic) ແລະມີຄວາມຮູ້ສຶກເກີດອັນຕະລາຍ (acute sense of danger).

ຈາກການເກີດພາບຫຼອນນີ້ ເຮັດໃຫ້ນັກວິທະຍາສາດບາງກຸ່ມໃນມາໃຊ້ອະທິບາຍການເຫັນຜີ ແລະປະສົບການຖືກລັກພາໂຕໂດຍມະນຸດຕ່າງດາວ.

ກົນໄກການເກີດ ຍັງບໍ່ຮູ້ແນ່ຊັດ

ປັດໄຈທີ່ຄາດວ່າຈະເກີດພາວະ Sleep Paralysis ໄດ້ແກ່:

  1. ນອນຫງາຍ (Sleeping in a face upwards or supine position)
  2. ນອນບໍ່ເປັນເວລາ (Irregular sleeping schedules; naps, sleeping in, sleep deprivation)
  3. ມີຄວາມຄຶດຫຼາຍ (Serious)
  4. ການປ່ຽນສິ່ງແວດລ້ອມ ຫຼືວິຖີຊີວິດ (Sudden environmental/lifestyle changes)
  5. ຝັນແບບທີ່ຮູ້ໂຕວ່າກຳລັງຝັນ (Lucid dream)

ເປັນເລື້ອຍໆ ຈະແກ້ແນວໃດ?

  1. ຫຼຸດຜ່ອນຄວາມຄຶດລົງ
  2. Making Mental Movements and Making Small Movements  ເນື່ອງຈາກອາການອຳມະພາດເປັນແບບຊົ່ວຄາວ ດັ່ງນັນ້ ຄວນຕັ້ງສະຕິ ຢ່າຕົກໃຈ ແລ້ວຄ່ອຍໆ ເຄື່ອນໄຫວໂຕເທື່ອລະໜ້ອຍ ເຊັ່ນ ນິ້ວມື ແລະນິ້ວຕີນ.
  3. ປ່ຽນທານອນ ຈາກນອນຫງາຍເປັນນອນສະແຄງຂ້າງເປັນຕົ້ນ.

 
 

about this

ເຖິງຈະບໍ່ຄ່ອຍມີເວລາ ແຕ່ກໍ່ຢາກຂຽນ ໕໕໕ ຢາກບັນທຶກຄວາມຝັນບາງຢ່າງຂອງຕົວເອງໄວ້ reference ໃນອະນາຄົດ ອາດຈະເປັນ ໒໐ ປີຂ້າງຫນ້າ ກັບມາອ່ານ ຈະມີຄວາມຮູ້ສຶກແນວໃດ ເພາະວ່ານັກວິທະຍາສາດທີ່ດີຕ້ອງຮູ້ຈັກທົດສອບ ແລະບັນທຶກຜົນ 😉

ຫມາຍເຫດ: ບລັອກນີ້ອາດຈະຫາສາລະບໍ່ໄດ້ ແລະຕ້ອງໃຊ້ວິຈາລະນະຍານອັນຍິ່ງໃຫຍ່ໃນການອ່ານ


fineprint
ຄວາມຝັນຂອງຂ້າພະເຈົ້າ ໃຊ້ Wordpress.
ທີມ "GothamNights" ອອກແບບໂດຍ EvanEckard