ມື້ຄືນຝັນແປກໆ ຝັນວ່າໄດ້ໄປຫຼາຍໆ ບ່ອນ ແລ້ວມາຮອດບ່ອນນຶ່ງຈະຕ້ອງຂ້າມນ້ຳໄປອີກຝາກ ເຊິ່ງຄວາມແປກກໍຄືນ້ຳນັ້ນເປັນແມ່ນ້ຳໃຫຍ່ ແຕ່ຜັດວ່າມີຄູນ້ຳຍາວໄປຈົນສຸດອີກຟາກນຶ່ງ. ໃນຝັນນັ້ນໄປກັບໃຜອີກຄົນນຶ່ງ ກໍພາກັນຂ້າມໄປ ແຕ່ເມື່ອໄປຮອດອີກຝັ່ງແລ້ວ ປາກົດວ່າເຮັດມືຖືປຽກນ້ຳ ລອງກົດເປີດເບິ່ງ ສັນຍານໄຟຢູ່ໜ້າຈໍມັນຂຶ້ນແລ້ວກໍດັບໄປ ແຕ່ແນວໃດກໍຂ້າມໄປຮອດແລ້ວ.

ຄືນນີ້ຝັນແປກ ຝັນວ່ານັ່ງຢູ່ໃນຫ້ອງ ແລ້ວມີໃຜບໍ່ຈັກນັ່ງຢູ່ນຳກັນຫຼາຍຄົນ ນຶ່ງໃນນັ້ນຫັ້ນແມ່ນຄົນລຸ້ນອາຍຸປະມານ 13-15 ປີ ຍັງເດັກນ້ອຍ ໜ້າຈະແມ່ນມານຳພໍ່ລາວ .. ເຊິ່ງ ຂພຈ ກໍນັ່ງຕັ່ງດຽວກັນ ມັນເປັນໂຊຟາຍາວ ມີສະປຣິງ .. ບັກນ້ອຍນັ້ນກໍໂດດຂຶ້ນໂດດລົງ ແລ້ວທັນໃດນັ້ນເອງ ມີຈັງຫວະນຶ່ງ ມັນພາດແນວໃດບໍ່ຈັກ ເອົາຫົວລົງໄປຟາດໃສ່ກັບໂຕະຢູ່ຕໍ່ໜ້າ ເຊິ່ງມີແກ້ວເປັນແຜ່ນໃສໆ ຕັ້ງຢູ່ .. ຊົງຊິເຈັບ..

ຖັດຈາກຝັນນັ້ນບໍ່ດົນກໍມີສຽງໂທລະສັບດັງຂຶ້ນ ຂພຈ ຕື່ນມາເບິ່ງ ເບິ່ງແລ້ວກໍງົງ ເບີໃຜຫວະ ໂທເຂົ້າເບີເມຍເຮົາ – -’ ເມຍຕື່ນມາເບິ່ງບອກວ່າເບີນ້ອງຊາຍ .. ພໍຮັບສາຍແລ້ວກໍໄດ້ຄວາມວ່າ ມີແຂກຫ້ອງຕື່ນລົງໄປຊັ້ນລຸ່ມ .. ຟັງແລ້ວກໍງົງ ເດິກປານນີ້ ແມ່ນເຂົາຊິຕື່ນໄປເອົາຫຍັງຫວະ ຫຼືວ່າມີຄົນບໍ່ສະບາຍ ຊິໄປຫາໝໍ ຫຼືວ່າເຂົາຕ້ອງການຫຍັງ?

ລົງໄປຮອດ ໂອ… ເວນກຳ ອັນນັ້ນແມ່ນໃຜຫວະ ບໍ່ຄຸ້ນໜ້າເລີຍ ຖາມເບິ່ງໄດ້ຄວາມວ່າ ເພິ່ນມາຊອກຫ້ອງພັກ (ອ່າວ ແລ້ວພວກຍາມມັນປ່ອຍເຂົ້າມາໄດ້ແນວໃດຫວະງົງ ຄົນນີ້ບໍ່ແມ່ນແຂກຫ້ອງພັກເດີ້ -*-) ເພິ່ນບອກວ່າ ຊອກທົ່ວຫຼວງພະບາງແລ້ວບໍ່ມີບ່ອນໃດເລີຍ (ແສດດ ຢ່າມາຕົວະ ຫຼວງພະບາງມີເຮືອນພັກຫຼາຍກວ່າ 50 ບ່ອນ ບໍ່ເຊື່ອດອກຍາມນີ້ມັນຊິເຕັມ ພຽງແຕ່ຊອກຍາກຊື່ໆ ເພາະມັນເດິກ) ກໍເລີຍບອກວ່າ ຫ້ອງເຮົາເຕັມແລ້ວ (ເພາະມັນເຕັມແລ້ວອີ່ຫລີ) ເພິ່ນວ່າ ບໍ່ເປັນຫຍັງ ນອນໂຊຟາລຸ່ມນີ້ກໍໄດ້.. ເອີ ເວນກຳ

ແລ້ວເລື່ອງກໍດຳເນີນຕໍ່ໄປບລາໆໆໆ ຈົນທີ່ສຸດ ຝຣັ່ງຄົນນັ້ນກໍອອກໄປ ຮູ້ສຶກອີຕົນລາວ ແຕ່ມັນບໍ່ຖືກ ບໍ່ແມ່ນແຂກຊິມານອນໄດ້ແນວໃດງົງ ຖ້າໄລ່ເງິນຊິໄລ່ແນວໃດ ໂອ້ ນອນກໍນອນບໍ່ເປັນສຸກ ສົມມຸດໃຫ້ນອນຫັ້ນ ນອນເຝົ້າກັນຢູ່ ເວນກຳ ບໍ່ເປັນແນວ

ຈົບດີກວ່າ.

ມື້ຄືນຝັນແປກ ຝັນວ່າໄດ້ພົບກັບລູກຊາຍ ຫຼືນ້ອງຊາຍບໍ່ຈັກ ທີ່ພັດພາກກັນແຕ່ນ້ອຍ ແລ້ວລາວເອົາ check ໃບນຶ່ງໃຫ້ ບອກວ່າເປັນສົມບັດພຽງຢ່າງດຽວທີ່ແມ່ຕູ້ເອົາໄວ້ໃຫ້ ບອກວ່າໄດ້ພົບກັບ ຂພຈ ແລ້ວໃຫ້ມອບໃຫ້. ເມື່ອ ຂພຈ ເບິ່ງແລ້ວຈຶ່ງພົບວ່າ ມັນເປັນ check ສຳລັບຂຶ້ນເງິນ ເຊິ່ງມີມູນຄ່າ $1,000,000 !!!!

ເມື່ອພົບດັ່ງນັ້ນກໍຕົກໃຈຫຼາຍ ຕື່ນເຕັ້ນສຸດຍອດ ເຊິ່ງຝັນນັ້ນກໍຍາວ ແຕ່ຕອນຈົບແລ້ວປາກົດວ່າ ຂຶ້ນເງິນບໍ່ໄດ້ ແສດດດດ.

ຕື່ນເຊົ້າມາ ເຫັນມີອີເມລຂອງ Amazon ມາແຈ້ງ ກໍເລີຍເຂ້າໄປເບິ່ງ ປາກົດວ່າເດືອນນີ້ຂາຍເຄື່ອງໄດ້ຄ່າຄອມມິສຊັນຕັ້ງ $42 ໂຫ… ແຕ່ຖອນເງິນມາໃຊ້ບໍ່ໄດ້ເທື່ອ ຕ້ອງຖ້າອີກສອງເດືອນ = =’

ມື້ຄືນວັນທີ ໒໒ ພະຈິກ ໒໕໕໒ ຝັນແປກໆ ຝັນຫຼາຍຢ່າງ ເຊັ່ນວ່າ ນຶ່ງໃນປົກຄອງບ້ານມາຝາກໃຫ້ຊື້ອຸປະກອນໃສ່ຄອມ ເປັນພວກພັດລົມລະບາຍອາກາດແມ່ຫຍັງຈັກຢ່າງ ແລ້ວກໍຝັນວ່າຊ້ອນທ້າຍລົດຈັກກັບຮ້ານແມ່ ແລ້ວເປີດໂປຣແກຣມເບິ່ງວິດີໂອບໍ່ໄດ້ ກັບມາຮອດຖາມໂນ່ ໂນ່ບອກວ່າ ຕ້ອງໃຊ້ VLC.

ຊ່ວງໃກ້ແຈ້ງ ຝັນວ່າ Notebook ທີ່ໃຊ້ຫັ້ນ ມີຄວັນຂຶ້ນ ປະມານວ່າລືມແລ້ວໄປເປີດຄ້າງໄວ້ ໂດຍພັບຈໍມັນລົງ ເຮັດໃຫ້ມັນຮ້ອນ ບໍ່ມີບ່ອນລະບາຍອາກາດ ຈົນສຸດທ້າຍແລ້ວຄວັນຂຶ້ນ ຕື່ນມາເຫັນ ກໍໄຂອອກ ມີກິ່ນໄໝ້ລອຍມານຳ ຝັນເຫັນທັງພາບ ທັງກິ່ນ ໂອ ແສດດດດ

ຫຼັງຈາກນັ້ນກໍຈັດແຈງແກ້ໄຂ ແຕ່ບໍ່ທັນແລ້ວ ໜ້າຈໍມັນຫຼຸດລອກອອກມາ ຕອນຕໍ່ມາຈັກເຮັດແນວໃດລະເອົາຈໍກັບ Notebook ໄປທອດນ້ຳມັນ = =’

ຈາກນັ້ນບໍ່ດົນກໍຕື່ນ .. ໂຊກດີແລ້ວລະ ບໍ່ຢາກທອດ Notebook ປານໃດ – -’

ມື້ຄືນຝັນແປກ ຝັນເປັນເລື່ອງຍາວໆ ຕອນຕົ້ນຝັນວ່າຄົນຮັກຖືກໃສ່ຮ້າຍປ້າຍສີ ຕອນຫຼັງໃກ້ຕື່ນຝັນວ່າໂກນໜວດ ແຕ່ໂກນແນວໃດກໍບໍ່ແລ້ວ ມັນບໍ່ກ້ຽງຈັກເທື່ອ ບໍ່ດົນກໍຕື່ນ.

ເປີດຕຳລາເພິ່ນວ່າ ຝັນວ່າຖືກໃສ່ຮ້າຍ ທຳນາຍວ່າຈະໝົດຈາກເຄາະຈາກໂສກ ສຸຂະພາບແຂງແຮງ…

ສ່ວນຝັນໂກນໜວດບໍ່ແລ້ວ ເພິ່ນວ່າຈະມີການເດີນທາງໄກກະທັນຫັນວ່າຊັ້ນເດີ້

ທຳມະດາ ຂພຈ ຈະບໍ່ຝັນແບບລິເກໆ ແບບນີ້ ໃນຝັນນັ້ນມັນເປັນເຫດການປະມານວ່າ ຮັກກັບຍິງຄົນນຶ່ງເຊິ່ງມີຮູບຮ່າງໜ້າຕາປານດາລາ ຫາກວ່າຈື່ບໍ່ຜິດໜ້າຈະແມ່ນຄົນທີ່ຊື່ເປັນຊື່ໝາກໄມ້ຄ້າຍຊື່ຂອງຄອມຯ ຍີ່ຫໍ້ນຶ່ງ^[1].

ຄວາມແປກປະຫຼາດມັນຢູ່ບ່ອນວ່າ ທັງສອງຄົນຮັກກັນ ແຕ່ຜູ່ຍິງຄວາມຈິງຕາຍໄປດົນແລ້ວ ດັ່ງນັ້ນລາວກໍຄືຜີນັ້ນເອງ. ມັນມີຈຸດນຶ່ງທີ່ ຂພຈ ຮູ້ວ່າ ຄົນຮັກເປັນຜີ ເຊິ່ງກໍໄດ້ຕິດຕໍ່ກັບຄົນຮູ້ຈັກ (ໃນຝັນແມ່ນອ້າຍຢູ່ຮ້ານເກມ^[2]) ໃຫ້ຊ່ວຍເຫຼືອ ກໍມີພິທີກຳແປກໆ ຫຼາຍຢ່າງ. ແຕ່ແປກກວ່ານັ້ນແມ່ນຢູ່ຮ້ານເກມມີຮ້ານຂອງແມ່ຢູ່ນຳ ຂາຍ bakery ເຊິ່ງພະນັກງານຄົນນຶ່ງເຮັດເຂົ້າໜົມຕົກສອງເທື່ອຕິດຕໍ່ກັນ; ຂພຈ ຈຶ່ງໄປຕໍ່ວ່າ ເພິ່ນກໍທຳທ່າບໍ່ພໍໃຈ^[3].

ອ້າຍຢູ່ຮ້ານເກມກໍແນະນຳວິທີຕ່າງໆ ທີ່ຈະຫາທາງໜີອອກມາຈາກຄົນຮັກທີ່ເປັນຜີນັ້ນ. ຕາມໃນຝັນ ມີຄວາມຮູ້ສຶກເສຍໃຈຫຼາຍທີ່ເລື່ອງເປັນແບບນີ້ ໃຈນຶ່ງກໍຍັງບໍ່ເຊື່ອຄັກ ອີກໃຈກໍຄຶດວ່າ ເມື່ອເປັນຂັ້ນນີ້ແລ້ວຄົງຈະຢູ່ບໍ່ໄດ້. ເສຍດາຍທີ່ຝັນນັ້ນຕື່ນມາແລ້ວເລືອນຫາຍໄປ, ຈື່ພຽງບາງສ່ວນ ມີຕອນນຶ່ງ ຄົນຮັກທີ່ເປັນຜີລາວຍັງບໍ່ຮູ້ວ່າ ຂພຈ ຮູ້ຄວາມຈິງ ລາວຈຶ່ງມາຫາຢູ່ຮ້ານເກມ ແລະສົນທະນາກັນເລັກນ້ອຍກ່ອນ ຂພຈ ຈະຂໍໃຫ້ລາວກັບບ້ານໄປ.

ມີຈຸດນຶ່ງທີ່ຮູ້ສຶກໄດ້ແມ່ນ ຜູ່ຍິງຄົນນັ້ນມີຄວາມອາຄາດຫຼາຍ ລາວຈະບໍ່ຍອມແນ່ນອນຫາກຮູ້ວ່າ ຂພຈ ຕ້ອງການໜີໄປ; ໃນຄວາມຝັນ ຂພຈ ຫາທາງປົກປິດລາວໄວ້ຕະຫຼອດໄລຍະເວລາທີ່ມີການເຮັດພິທີ. ສ່ວນເລື່ອງຈະເປັນແນວໃດໃນຕອນຈົບກໍບໍ່ຮູ້ເລີຍ ເພາະແຂກຫ້ອງປຸກກ່ອນ!!!

—————————————————-

1. ອາດເປັນໄປໄດ້ວ່າ ເຄີຍເຫັນພາບຂອງລາວຊ້ຳໆ ເຮັດໃຫ້ເກັບໄປຝັນ ໂດຍດຶງຂໍ້ມູນມາຈາກຈິດໃຕ້ສຳນຶກກໍເປັນໄດ້.
2. ເຫດທີ່ຝັນກ່ຽວກັບອ້າຍຢູ່ຮ້ານເກມ ຄົງເພາະຊ່ວຍເຫຼືອກັນມາດົນ ຮູ້ຈັກກັນມາສິບປີ.
3. ພະນັກງານຄົນນັ້ນຊື່ຂຶ້ນຕົ້ນດ້ວຍໂຕ ສ; ຈຸດນີ້ເປັນໄປໄດ້ວ່າເກັບມາຈາກຈິດໃຕ້ສຳນຶກເຊັ່ນດຽວກັນ ເພາະໃນຊີວິດຈິງ ຂພຈ ມັກຈະຄຶດສະເໝີວ່າ ໄປເວົ້າຫຍັງໃຫ້ລາວຫຼາຍ ລາວຈະບໍ່ພໍໃຈແລະສະແດງກິລິຍາແບບນັ້ນອອກມາ ເຊິ່ງກາຍເປັນວ່າມັນໄປປາກົດໃນຝັນແທນ.

ຄືນວານນີ້ຝັນຫຼາຍຢ່າງ ແຕ່ຕອນໃກ້ຮຸ່ງຝັນວ່າ ມັນມີເກມຢູ່ຊຸດນຶ່ງ ຄ້າຍໆ ວ່າຈະເປັນ Emulator ຫຼາຍກວ່າ ເພາະໃນເມນູໂປຣແກຣມມັນມີໃຫ້ເລືອກ ROMs ທີ່ຈະຫຼິ້ນ ແລະທາງຂວາມືຈະລະບຸສະຖານະຂອງ ROM ວ່າ Playable ຫຼື Missing ຫຍັງແດ່ ອາດຫຼິ້ນໄດ້ບໍ່ສົມບູນ ມີສຽງ ບໍ່ມີພາບ ຫຼືກົງກັນຂ້າມກັນເປັນຕົ້ນ.

ຕອນນັ້ນໃນຄວາມຝັນ ໄດ້ເລືອກເກມນຶ່ງ ຊື່ເກມບໍ່ຄຸ້ນ ແຕ່ຫຼັງຈາກເຂົ້າໄປແລ້ວເປັນເກມທີ່ຮູ້ຈັກດີ ພຽງແຕ່ມັນຄົນລະຊື່ (ເຊິ່ງເປັນເລື່ອງທຳມະດາທີ່ບາງເກມຈະປ່ຽນຊື່ ເມື່ອໄປຂາຍໃນປະເທດອື່ນ ເຊັ່ນ Biohazard ກາຍເປັນ Resident Evil) ແລະປາກົດວ່າ ພາຍໃນເກມນັ້ນ ສາກເລີ່ມຕົ້ນມີສີແດງ ເຂັ້ມ ແລະມີໄຟປະທຸຂຶ້ນ ດັ່ງວ່າຢູ່ໃນຂຸມນະຮົກກໍບໍ່ປານ. ພາບໃນເກມຈະເປັນ 3D ທີ່ຫຼິ້ນຳໄປແບບ 2D (ນຶກເຖິງ Contra ທີ່ໄປທາງຂວາ) ທີ່ພິເສດກໍຄື ມັນມີຄວາມສົມຈິງສູງຫຼາຍ ຈົນຮູ້ສຶກວ່າ ມັນພິເສດອີ່ຫລີອັນເກມນີ້!

ອະນິດຈາ … ຝັນນັ້ນເປັນເວລາໃກ້ຮຸ່ງ ພຽງບໍ່ພໍເທົ່າໃດກໍຕື່ນຂຶ້ນມາເພາະເວລານັ້ນໃກ້ 6 ໂມງເຊົ້າແລ້ວ.

ເລື່ອງມັນມີຢູ່ວ່າ ມື້ຄືນນີ້ຝັນເຫັນໂຕເອງຢູ່ໃນສາງເກັບເຄື່ອງແຫ່ງນຶ່ງ ຢູ່ກັບອີກຄົນບໍ່ຮູ້ວ່າແມ່ນໃຜ ໃນສາງແຫ່ງນັ້ນເຂົາບອກມີຜີ ແລະໃນຂະນະທີ່ກຳລັງຈະຍ່າງເຂົ້າໄປທາງໃນນັ້ນເອງ ປາກົດວ່າເກີດມີລົມເຢັນພັດ ເຮັດໃຫ້ຂົນໜາວລຸກໂຊນໄປໝົດ ພາບທາງໜ້າເຫັນຈາງໆ ປາກົດອອກມາ ເປັນລັກສະນະຂອງຄົນໃສ່ຊຸດສີມົວໆ ເບິ່ງບໍ່ອອກວ່າແມ່ນຊາຍຫຼືຍິງ ແຕ່ເປັນຮູບຮ່າງຄ້າຍຄົນ ແລະມີສີອອກຂາວໆ ມົວໆ.

ຕອນນັ້ນບໍ່ຮູ້ວ່າຈະເຮັດແນວໃດ ຮູ້ຢ່າງດຽວ ຂົນລຸກໄປໝົດທັງໂຕເລີຍ ແຕ່ຢ່າງໃດກໍຕາມ ໃນຝັນນັ້ນໄດ້ເກີດຄວາມຄຶດຂຶ້ນມາວ່າ ເອີ… ຖ້າເປັນແບບນີ້ ເຮົາຕ້ອງເອົາກ້ອງມາຖ່າຍຜີໂຕນີ້ໄວ້ ແລະໃນບັນດົນນັ້ນເອງ ກ້ອງກໍປາກົດຂຶ້ນທາງຂວາມື ຈຶ່ງຮີບໄປຈັບກ້ອງມາຍົກຂຶ້ນເລັງກຽມຖ່າຍ ໃນຂະນະທີ່ຜີໂຕນັ້ນກຳລັງໃກ້ເຂົ້າມາ ແລະປ່ຽນສີຈາກສີຂາວເປັນສີດຳຂຶ້ນໃນທຸກຂະນະ.

ຢ່າໃຫ້ເປັນໄປກວ່ານັ້ນເລີຍ ໃນເວລາທີ່ຜີກຳລັງປ່ຽນສີຢູ່ ໄດ້ເກີດຄວາມແປປວນທາງອາກາດຂຶ້ນ ກໍຕັດສິໃຈຍົກກ້ອງຂຶ້ນມາຖ່າຍຜີ ຕາກໍແນມເບິ່ງຈໍ LCD ຢູ່ຫຼັງກ້ອງ ແຕ່… ປັ໊ດໂທ່!!! ຜັດວ່າຜີຫາຍໄປຊ້ຳບາດນີ້!

ເລື່ອງມັນເປັນແນວໃດກັນແທ້? ໃນຄວາມເປັນຈິງກໍຄື ເປີດແອປະໄວ້ໃນຫ້ອງແລ້ວກໍນອນ ແອມັນຢູ່ໃກ້ກັບບ່ອນນອນ ເຊິ່ງຄືນນັ້ນອາກາດເຢັນຫຼາຍ ເມື່ອເປີດແອ 25 ອົງສາ ແລະພັດລົມໃນແອປັບລະດັບ 3 (ແຮງສຸດ) ອາກາດໃນຫ້ອງຈຶ່ງເຢັນຫຼາຍ ເຊິ່ງກໍບັງເອີນວ່າ ຜ້າຫົ່ມມັນຫຼຸດອອກໄປທາງຂ້າງ ເຮັດໃຫ້ລົມພັດຖືກຕາມຄີງ ຈຶ່ງເກັບໄປຮູ້ສຶກໃນຝັນວ່າໜາວຫຼາຍ ຂົນລຸກ ແລະຈິນຕະນາການເຫັນຜີໃນສາງເກັບເຄື່ອງ ແຕ່ໂຊກດີຄຶດອອກວ່າເອົາກ້ອງໄປຖ່າຍຜີປະໄວ້ເບິ່ງ ແລະອັບໂຫຼດໃສ່ YouTube ກັບພັນລາວ ກໍເລີຍລອດມາແບບງົງໆ ເສຍດາຍບໍ່ຮູ້ຊ້ຳວ່າຜີຈະເປັນແນວໃດຕໍ່ໄປເພາະວ່າຕື່ນມາກ່ອນ!!!

ມື້ຄືນນອນເດິກອີກລະ ນອນແລ້ວຝັນວ່າ ຊື້ໄດ້ກ້ອງໃໝ່ມາ ເປັນກ້ອງນ້ອຍ ໆ ແຕ່ໜັກຫຼາຍ ປະມານ 10 ກິໂລຯ ໃນຂະໜາດເທົ່າພຽງຝາມືດຽວ ເວລາຍົກຂຶ້ນມາໃຊ້ ຮູ້ສຶກວ່າ ປານຍົກກ້ອນຄຳເອົາໂລດ ເພາະມັນໜັກຫຼາຍ.

ແລ້ວກໍ ຝັນກ່ຽວກັບລູກຄ້າທີ່ມາພັກຢູ່ເຮືອນພັກ ແຕ່ຜັດວ່າໄປລົມເຂົາເຈົ້າຢູ່ຫຼັງບ້ານ ບໍ່ຮູ້ຫຼັງບ້ານໃຜ ເປັນລັກສະນະປ່າທຶບ ມີສີຂຽວຮ້ອມຮອບໄວ້ ເບິ່ງບໍ່ເຫັນທາງສູ່ບ້ານເຮືອນຄົນເລີຍ ຫຼັງຈາກທີ່ກຳລັງເບິ່ງ passport ແລະຂຽນລາຍລະອຽດຢູ່ນັ້ນ ຈື່ໄດ້ວ່າ ເຂົາຕ້ອງການພັກຢູ່ 3 ຄືນ ແຕ່ຍັງຂຽນບໍ່ທັນແລ້ວ ຝົນກໍຕົກລົງມາ ແລ້ວມີຄົນຮ້ອງໃຫ້ພາອີກຄົນໄປໂຮງໝໍ ຫຼືແມ່ນຫຍັງຈັກຢ່າງ ເລີຍຖິ້ມວຽກຕອນນັ້ນປະໄວ້ແລ້ວໄປສົ່ງຄົນເຈັບ. ປາກົດວ່າ ກັບມາແລ້ວມາຫຼິ້ນກ້ອງໃໝ່ ແລ້ວກໍເກີດສົງໄສວ່າ ອ້າວ! ແລ້ວລູກຄ້າຂ້ອຍເດ້ໄປໃສແລ້ວ?

ມື້ຄືນວານນີ້ຢູ່ເດິກຮອດປະມານນຶ່ງໂມງ ເນື່ອງຈາກມີໝູ່ມາຫາຢູ່ບ້ານ ກໍລົມກັນຮອດເດິກຈຶ່ງພາກັນແຍກຍ້າຍກັບບ້ານ. ເປັນຄືນທີ່ຝັນຫຼາຍ ໆ ຢ່າງແປກ ໆ ປານດັ່ງວ່າສະມາທິກບໍ່ຢູ່ກັບເນື້ອກັບໂຕເລີຍ ມີຕອນນຶ່ງໃນເວລາໃກ້ຮຸ່ງໄດ້ຝັນວ່າ ມີໄຂ່ຢູ່ໜ່ວຍນຶ່ງ ໄຂ່ໜ່ວຍນັ້ນເມື່ອແຕກອອກມາແລ້ວກາຍເປັນນ້ຳຂຸ້ນ ໆ ສີຂາວອົມເຫຼືອງກະຈາຍອອກມາເປັນບໍລິເວນກວ້າງໃຫຍ່.

ຫຼັງຈາກນັ້ນຝັນວ່າຢູ່ໃນຫ້ອງຮັບແຂກ ເຊິ່ງນັ່ງຢູ່ກັບແມ່ແລະມີຄົນອື່ນ ໆ ຢູ່ນຳ ຈື່ໄດ້ວ່າມີໝູ່ສະນິດຄົນນຶ່ງຢູ່ພ້ອມ. ມີເຂົາເອົາເງິນມາໃຫ້ແມ່ປ່ຽນ ແຕ່ໃນນັ້ນມີເງິນບາດທີ່ເປັນລັກສະນະສີດຳ ຄ້າຍດັ່ງເງິນປອມ ແມ່ຈຶ່ງບອກໃຫ້ເອົາເງິນບາດໄປກວດເບິ່ງນຳເຄື່ອງກວດເງິນ ວ່າແມ່ນເງິນແທ້ຫຼືເງິນປອມ. ຫາກຍັງບໍ່ທັນກວດເທື່ອ ໂມງປຸກກໍດັງຂຶ້ນ ເລີຍຕື່ມາກ່ອນ ແລະຈັດການປິດມັນໄວ້ ກະວ່າໃຫ້ອີກ 10 ນາທີຄ່ອຍດັງໃໝ່.

ເມື່ອຫຼັບໄປແລ້ວປາກົດວ່າຝັນໄປເລື່ອງໃໝ່ ແຕ່ຍັງຢູ່ໃນຫ້ອງຮັບແຂກ ແມ່ເວົ້າວ່າ ຄອມພິວເຕີນີ້ເປັນຫຍັງມັກດັບແທ້? ກໍອະທິບາຍວ່າຕັ້ງເວລາໃຫ້ໜ້າຈໍມັນດັບຊື່ ໆ ຖ້າບໍ່ມັກກໍຕັ້ງຄືນໄດ້ ແລ້ວໃນບັດນັ້ນເອງກໍຖຽງກັນວ່າເປັນຫຍັງບໍ່ເຮັດໃຫ້ມັນເປີດຕະຫຼອດເວລາ -_-’

ຕາມຕຳລາແມ່ນເພິ່ນບອກວ່າ ຝັນເຫັນເງິນທອງ ຫຼືຝັນວ່າໄດ້ຈັບເງິນທອງນີ້ ຫາກຜູ່ຝັນມີຄອບຄົວແລ້ວ ທວາຍວ່າຈະໄດ້ບຸດ ແຕ່ຖ້າຜູ່ຝັນເປັນຄົນມັກຫຼິ້ນການພະນັນແມ່ນທວາຍວ່າຈະເສຍເງິນທອງ ຫຼືເສຍການພະນັນ. ຫາກວ່າຝັນວ່າເສຍເງິນເສຍທອງ ແມ່ນໝາຍວ່າຈະໄດ້ຮັບເງິນ ເຊິ່ງຕາມຕຳລາຂອງຕ່າງປະເທດແລ້ວ ການຝັນເຫັນເງິນທອງ ມັກຈະຕີຄວາມເປັນຝັນຮ້າຍ.

ເລກນຳໂຊກຂອງການຝັນເຫັນເງິນທອງແມ່ນ 66, 69, 369, 766, 664